Konxi Stephen
Boston é nha kaza. Não kaza kin nasi, ma kaza kin skodji. É un sidadi xeiu di prupózitu y prumesas. Un sidadi ki abri kaminhu pa deklara ma amor é amor. Un sidadi ki é konstruídu pa y pur pisoas ki tornal kel sentru úniku kel é. Na últimus 13 anu, desdi kin txiga na campus di Nordesti, Boston é komunidadi ki brasame y un brasal tanben. Mi ku nha maridu, Matt, nu ta vivi na Dorchester ku nos katxoru Pru, ondi nu ta spera y nu ta planeja ser kapaz di kria nos família.
Un kre defendi grandi variedadi di pesoas ki ta vivi na Distritu 3, desdi kes ki foi kriadu na Dorchester y na Boston, até kis transplanti sima ami na país interu, até maz di 40% di rezidentis nasidu fora di EUA ki skodji Boston pa ser sis kaza. Un kre djunta tudu kes perspetivas. Kel ki tudu nos ten em komum é ma nu ta ama nos sidadi y nu kre tornal midjore.
Un ta sforsa pa ser un líder ku empatia – un ta koloka na lugar di otus y un ta tenta spia pa mundu traz di sis odjo. Un ta orgulha na eskuta, eskuta pesrpetiva diferenti di nhas, y inkorporás na nha visão di mundu. Un ta krdita ma guvernu sta la pa sirvi se povu y eskuta nesesidadis di komunidadi. Inkuantu menbru di Asociason Komunitáriu di Jones Hill, un ex-menbru di Konselhu SPARK, y un Alum Americorps ki trabadja na Dimmock Preschool di Roxbury, un ten un istóriku komprovadu di kuida y trabadja dentru di nhas komunidadis pa expandis.
Un prendi ku nhas pais - un polísia y un enfermera - ki no podi ser midjor so kandu nu ta trabadja djuntu. Un sta empenhadu na trabadja ku nhas kolegas na Kamara Munisipal y na rua di Beacon Hill pa fazi presão pa un Boston ki ta sirva tudu alguén. Nu ka devi sta konstranjidu pa kel ki dja kuntisi y ka ter medu di dizafia status quo.
2020 trazi un foku nítidu di un realidadi ki txeu sta infrenta dja ten dékada – y kel oportunidadi ka é dadu di forma igual y, pa maz progresista ki Boston podi ser, ainda nu ten un kaminhu longu pa perkori. Ma kel anu pasadu trazi nos grandi enkruzilhada – nu podi kontinua na mesmu kaminhu ô trasa un novu kaminhu pa futuru. Un sa ta kandidata pa un kargu pamodi un ten un vizon fundamentalmenti diferenti di mudansas ki nos komunidadi sta mesti di ki pesoa ki sta atualmente na kel pozison li. Un ta pensa ma Kamara Munisipal devi sta li pa insisti na mudansa strutural. Y é pur isu kin kre ser nhos vereador.
Ser un voz pa mudanaa institusional. Eskuta nhas vizinhus, eskuta sis preokupason, y intendi kel kes mesti. Ser abertu y asesível, transparenti y responsável. Ser bo voz na Kamara Munisipal.
Un sta entuziasmadu pa tudu ki nu podi fazi djuntu pa Boston.
Sobri kis prublema
Edukason
Saúdi Públika
